कन्या क्याम्पस पोखरामा तीज गीत प्रतियोगिता

कन्या क्याम्पस पोखरामा आज अन्तरकक्षा तीज गीत प्रतियोगिता सम्पन्न भएको छ । उक्त प्रतियोगितामा कक्षा १२ व्यवस्थापन अंग्रेजी माध्यमका छात्रा समूह प्रथम, बी.बी.एस तेस्रो बर्षका छात्रा समुह व्दितिय, बी.आई.एम आठौं सेमेष्टरका छात्रा समुह तृतिय र कक्षा १२ व्यवस्थापन नेपाली माध्यमका छात्रा समुहले सान्त्वना स्थान हासिल गरी पुरस्कार तथा प्रमाणपत्र प्राप्त गरेका थिए । क्याम्पस प्रमुख सु्रेस कुमार मानन्धरको अध्यक्षतामा भएको उक्त कार्यक्रममा क्याम्पस सञ्चालक समितिका अध्यक्ष शीवलाल मल्लको प्रमुख आतिथ्यता रहेको थियो । निर्णायक मण्डलका संयोजक गायीका चन्द्रावती वाग्ले तथा सदस्यहरुमा क्याम्पसका प्राध्यापकव्दय लक्ष्मी सापकोटा र प्राध्यापक संघका सभापति दिननाथ अधिकारी रहेका थिए । क्याम्पसका सञ्चालक समिति सदस्य तथा त्रि.वि. प्रतिनिधी डा. कृष्णराज अधिकारी र अतिरिक्त क्रियाकलाप प्रमुख अर्चना यादवले शुभकामना मन्तव्य राखेका थिए । क्याम्पसमा सम्पन्न गरिएको चित्रकला प्रतियोगिता, हाजिरी जवाफ प्रतियोगिता र निबन्ध लेखन प्रतियोगिताका बिजयीहरुलाई समेत पुरस्कार प्रदान गरिएको उक्त कार्यक्रमलाई क्याम्पसका सहायक क्याम्पस प्रमुख चित्रबहादुर श्रेष्ठले सञ्चालन गरेका थिए ।